Pwy sy’n Rhan?

Os ydych yn dewis cyfranogi, mae’n bwysig eich bod chi yn derbyn cefnogaeth i’ch helpu i ddatblygu’r sgiliau sydd angen i wneud hyn yn effeithiol.

Dyma rai pobl all eich helpu:

• Eich athro/ athrawes (d)dosbarth: bydd ef / hi yn eich adnabod yn dda a gallai eich cefnogi – e.e. os ydych am sefyll fel ymgeisydd mewn etholiad;
• Athro cyswllt / athrawes gyswllt y cyngor ysgol: mae ef/ hi yn gyfrifol am y cyngor ysgol, ond efallai bydd ganddo / ganddi rôl ehangach i annog cyfranogiad ar draws yr ysgol;
• Aelod o’r Tîm Rheoli neu’r Prifathro / Brifathrawes: gallan nhw eich helpu i wneud i bethau ddigwydd, ac fe ddylent wrando ar eich syniadau;
• Aelod o’r corff llywodraethol: gall fod un person ar y corff llywodraethol sydd â chyfrifoldeb dros gyfranogiad;
• Eich rhieni / gofalwyr: cofiwch ddweud wrth eich rhieni / gofalwyr am y pethau rydych yn rhan ohonynt yn yr ysgol, fel y gallant eich annog a’ch cefnogi.

Efallai y gall y bobl yma eich helpu i gael hyfforddiant hefyd, er mwyn i chi deimlo yn fwy hyderus a medrus yn eich rôl. Os nad ydych yn siwr am hyn, gofynnwch!