Draig Ffynci
Mae’r Ddraig Ffynci – Cynulliad Plant a Phobl Ifanc Cymru - yn cael ei rhedeg gan yr aelodau eu hunain. Ein bwriad yw rhoi cyfle i rai rhwng 0 - 25 oed i leisio eu barn ar faterion sy’n effeithio arnyn nhw.
Mae’r cyfle i gymryd rhan a lleisio barn yn hawl sylfaenol dan Gonfensiwn Hawliau Plentyn y Cenhedloedd Unedig. Bydd Draig Ffynci yn ceisio cynrychioli yr amrywiaeth mwyaf eang posibl ac yn gweithio gyda’r rhai sy’n gwneud penderfyniadau er mwyn gwneud yn siwr bod pethau’n newid.
Prif swyddogaeth Draig Ffynci yw sicrhau bod barn plant a phobl ifanc yn cael ei glywed, yn enwedig gan Gynulliad Cenedlaethol Cymru, ac i wneud yn siwr eu bod yn cael cymryd rhan yn y broses o wneud penderfyniadau ar lefel genedlaethol.
