Gweithgareddau Pobl Ifanc

Mae’r gweithgareddau hyfforddi hyn wedi’u llunio ar gyfer pobl ifanc ac wedi’u treialu yn eu plith i’w helpu i:

• ddeall hawliau plant a phobl ifanc a sut y maent yn effeithio ar bob plentyn a pherson ifanc;
• deall beth yw cyfranogiad, pam mae’n bwysig a sut y gall eu helpu i gymryd rhan yn y gwaith o wneud cymuned eu hysgol yn fwy effeithiol;
• rhannu eu gwybodaeth a’u dealltwriaeth gyda disgyblion eraill yn eu hysgol;
• magu hyder a datblygu sgiliau cyfathrebu;
• chwarae rhan fwy gweithredol yn eu hysgol a’r gymuned ehangach.

Mae’r deunyddiau’n hawdd eu defnyddio ac yn hwyl, ac maent yn cynnwys yr holl adnoddau sydd eu hangen i gynnal y gweithgareddau. Gallwch hefyd wylio DVD ar y dudalen hon, yn dangos pobl ifanc yn arwain y gweithgareddau.

Mae cyfanswm o ddeuddeg gweithgaredd ar gael. Gosodir Dalen yr Hyfforddwr ar gyfer pob gweithgaredd ar fformat tebyg, sef:

• Rhif y Thema (1, 2 neu 3);
• Rhif a Theitl y Gweithgaredd;
• Diben – yr hyn y dylai’r gweithgaredd hwn helpu pobl ifanc i’w wneud;
• Adnoddau – unrhyw beth y mae ei angen ar ddisgyblion i gynnal y sesiwn;
• Gwaith paratoi – unrhyw beth y bydd angen iddynt ei wneud neu ei wirio ymlaen llaw;
• Amseru – faint o amser sydd ei angen i gynnal y gweithgaredd;
• Cyfranogwyr – grŵp o ba faint y mae’r gweithgaredd hwn yn briodol iddo, ac unrhyw gyfarwyddiadau ynglŷn â rhannu pobl yn grwpiau;
• Amlinelliad o’r Gweithgaredd;
• Gwaith dilynol.

Mae dalennau adnodd ar gyfer gweithgareddau yn dilyn dalen yr Hyfforddwr ar gyfer y gweithgaredd hwnnw. Mae’r rhain ar gael yn Gymraeg ac yn Saesneg er mwyn hyrwyddo’r defnydd o’r ddwy iaith. Weithiau bydd angen i’r disgyblion lawrlwytho adnoddau fel DVDs, felly rhoddir dolenni i wefannau.

Gobeithio y byddwch yn mwynhau defnyddio’r gweithgareddau hyn. Rhowch wybod inni sut hwyl y cewch chi drwy anfon e-bost at childrenandyoungpeoplesrights@cymru.gsi.gov.uk