Ysgolion Iach
Mae ysgolion sy’n hybu iechyd yn cael eu hannog yng Nghymru gan Cynlluniau Ysgolion Iach – Rhwydwaith Cymru. Mae’r Rhwydwaith yn annog datblygu cynlluniau ysgolion iach lleol o fewn fframwaith cenedlaethol cyffredin. Mae Cynlluniau Ysgolion Iach Lleol yn annog ysgolion i sicrhau bod disgyblion yn cael eu cynnwys wrth gynllunio a chyflwyno camau gweithredu ysgolion iach. Awgrymir y dylai ysgolion ymgynghori â’u disgyblion drwy gyfrwng eu cyngor ysgol etholedig neu drwy ffyrdd eraill, a chynllunio i sicrhau bod cyfranogiad disgyblion yn rhan o bob agwedd ar y gwaith.
Mae’r camau gweithredu a gymerir gan ysgolion hybu iechyd yn dibynnu ar ddymuniadau ac anghenion disgyblion sy’n cael eu hamlygu drwy gyfrwng y broses ymgynghori, ac mae disgyblion yn rhan bwysig o gynllunio a chyflwyno’r camau gweithredu hynny.
Dyma rai enghreifftiau
- siopau ffrwythau sy’n cael eu rhedeg gan y disgyblion
- cynlluniau cyfeillio ar yr iard
- grwpiau gweithredu ar faeth mewn ysgolion
