Cyngor yr Ysgol

Grŵp cynrychioliadol o ddisgyblion yw cyngor ysgol, a’r disgyblion hynny wedi’u hethol gan eu cyd-ddisgyblion i gynrychioli eu safbwyntiau a chodi materion gydag uwch-reolwyr a llywodraethwyr yr ysgol. Gall cyngor yr ysgol hefyd fwrw ymlaen â mentrau a phrosiectau ar ran eu cyd-ddisgyblion, a chyfrannu at gynllunio a phrosesau strategol megis Cynllun Datblygu’r Ysgol, cyfarfodydd y corff llywodraethu a phenodiadau staff.

Gall cynghorau ysgol helpu plant a phobl ifanc i:

• Fwynhau eu haddysg a theimlo bod yr addysg honno yn eu grymuso;
• Teimlo bod eu hysgol yn ymateb i’w hanghenion;
• Cael y cyfle i roi gwybod i oedolion am eu teimladau a’u safbwyntiau ynghylch y pethau sy’n effeithio arnynt;
• Mynegi barn am benderfyniadau, a chwarae rhan weithgar wrth wneud eu hysgol yn well lle;
• Datblygu sgiliau bywyd gweithgar drwy gyfranogi.

Yn yr adran hon o’r wefan cewch wybodaeth am sefydlu, datblygu a gwerthuso cyngor ysgol.