Y Cyd-destun Rhyngwladol
Mae Confensiwn y Cenhedloedd Unedig ar Hawliau’r Plentyn (y Confensiwn) yn gytundeb rhyngwladol sydd wedi’i lofnodi gan 192 o wledydd ledled y byd, gan gynnwys y Deyrnas Unedig. Mae’r Confensiwn yn rhoi eu set o hawliau eu hunain i’r holl blant a phobl ifanc iau na 18 oed, a gelwir yr hawliau hynny’n “erthyglau”. Mae Erthygl 12 y Confensiwn yn datgan bod gan blant a phobl ifanc yr hawl i fynegi safbwyntiau ar faterion sy’n effeithio arnynt, a’r hawl i’r safbwyntiau hynny gael eu cymryd o ddifrif.
Mae Llywodraeth Cynulliad Cymru yn rhoi pwys mawr ar y Confensiwn, ac mae wedi ymrwymo i weithio gyda phartneriaid i ddatblygu dull strategol cenedlaethol o godi ymwybyddiaeth o’r Confensiwn a galluogi i blant a phobl ifanc yng Nghymru fanteisio ar eu hawliau. Mae’r ymrwymiad hwn yn amlwg yn y modd y mae Llywodraeth Cynulliad Cymru yn cynnwys plant a phobl ifanc wrth lunio polisïau ac wrth gynllunio a datblygu gwasanaethau. Mae pobl ifanc wedi’u cynnwys hefyd mewn penodiadau allweddol, megis swydd Comisiynydd Plant Cymru.
Yn yr adran hon o’r wefan gallwch lawrlwytho Pecyn Cymorth y Confensiwn a Chwis i’ch cynorthwyo i ddeall y Confensiwn a sut mae’n effeithio ar eich disgyblion.
I gael rhagor o wybodaeth am Gonfensiwn y Cenhedloedd Unedig ar Hawliau'r Plentyn ewch i
Dolenni:
