Y Cyd-destun Cenedlaethol
Y Wlad Sy’n Dysgu: Gweledigaeth ar WaithMae Llywodraeth Cynulliad Cymru wedi dangos ei hymrwymiad i gyfranogiad plant a phobl ifanc mewn nifer o ddogfennau polisi allweddol. Gallwch ddysgu mwy am rai o’r rhain sydd wedi’u cyflwyno hyd yn hyn drwy glicio ar y dolenni ar ochr dde’r dudalen hon.
Mae nifer o strwythurau ar waith yng Nghymru hefyd sy’n cefnogi cyfranogiad plant a phobl ifanc, a hynny yn genedlaethol ac yn lleol. Yn yr adran hon o’r wefan gallwch lawrlwytho sleid PowerPoint sy’n dangos y prif strwythurau, a darllen mwy am y sefydliadau sy’n ymwneud â hyrwyddo a datblygu cyfranogiad. Gallwch hefyd lawrlwytho diagram sy’n dangos rhan Cynghorau Ysgol mewn cyfranogiad ehangach.
Yn sgil cyflwyno Rheoliadau Cynghorau Ysgol (Cymru) 2005 yr oedd gofyn i bob ysgol yng Nghymru sefydlu cyngor ysgol erbyn 1 Tachwedd 2006, ac mae’r rheoliadau hyn wedi gosod rhai gofynion penodol y mae’n rhaid i ysgolion gydymffurfio â hwy. Dilynwyd y Rheoliadau hyn ym mis Hydref 2006 gan ddogfen fanylach, sef y Canllawiau i Gyrff Llywodraethu ar Sefydlu a Gweithredu Cynghorau Ysgol. Mae canllawiau statudol pellach yn destun ymgynghori ar hyn o bryd, a’u diben yw cefnogi ysgolion i hyrwyddo a datblygu cyfranogiad disgyblion fel elfen hanfodol o ysgol effeithiol.
Dolenni:
Strategaethau a Pholisïau
- Strategaeth LlCC ar gyfer Plant a Phobl Ifanc
- Strategaeth ar gyfer Plant a Phobl Ifanc: Y diweddaraf, Hydref (2002)
- Gwasanaethau Cymorth Ieuenctid 11-25 a Gwasanaethau Cymorth i Ddysgwyr 14-19
- Cymru: Gwlad Well (2003)
- Y Wlad Sy’n Dysgu: Gweledigaeth ar Waith
- Plant a Phobl Ifanc: Gweithredu’r Hawliau (2004)
- Pecyn cymorth CCUHP
