Manteision Cyfranogi
Mae ymchwil ac enghreifftiau o astudiaethau achos yn awgrymu bod datblygu cyfranogiad plant a phobl ifanc yn gallu bod yn fuddiol i unigolion, sefydliadau a chymunedau.
Mae disgyblion sy’n cyfrannu at wneud penderfyniadau yn dweud bod ganddynt well hunan-barch ac ysgogiad, yn magu sgiliau personol, cymdeithasol a threfniadol pwysig, ac yn ymgyfarwyddo â phrosesau grŵp a phrosesau democrataidd.
Ar lefel sefydliadol, mae cynnwys disgyblion wrth wneud penderfyniadau yn medru arwain at well perthynas rhwng pobl a’i gilydd, polisïau sy’n fwy perthnasol ac effeithiol, a gwell dysgu. Yn y sefyllfaoedd gorau, bydd disgyblion ac oedolion yn gweithio ynghyd fel partneriaid i sicrhau bod eu hysgol yn darparu’r amgylchedd dysgu gorau posibl i bawb. Mae gan ddisgyblion ran bwysig i’w chwarae wrth gynorthwyo eu hysgolion i wella pob agwedd ar fywyd yr ysgol.
Mae cyfranogiad disgyblion wrth graidd y Fframwaith Effeithiolrwydd Ysgolion a cheir cysylltiad rhyngddo a gwell lles ymhlith y disgyblion a gwell canlyniadau dysgu. Mae llais dysgwyr hefyd yn chwarae rhan bwysig yn Fframwaith Arolygu Cyffredin Estyn ar ôl 2010.
Yma gallwch lawrlwytho adroddiad ymchwil a wnaed yng Nghymru ar fanteision cyfranogiad gan blant a phobl ifanc, ac Arweinlyfr Arferion Gorau sy’n cynnwys astudiaethau achos o wahanol leoliadau.
Yma gallwch lawrlwytho adroddiadau ymchwil a wnaed yng Nghymru ar fanteision cyfranogiad gan blant a phobl ifanc.
Awgrymodd adroddiad ymchwil a gyhoeddwyd ym 2010 sut y gall ystyried safbwyntiau dysgwyr gyfrannu at well ddysgu.
Dywedwch wrthym sut mae eich ysgol chi wedi elwa yn sgil cyfranogiad disgyblion drwy anfon ebost at: childrenandyoungpeoplesrights@wales.gsi.gov.uk
Dolenni:
