Beth yw Cyfranogiad Disgyblion?

Amcan cyfranogiad disgyblion yw datblygu diwylliant mewn ysgolion lle mae gan yr holl blant a phobl ifanc lais a chyfle i chwarae rhan weithgar mewn penderfyniadau a fydd yn effeithio ar eu dysgu a’u lles, fel yr amlinellir yn Erthygl 12 Confensiwn y Cenhedloedd Unedig ar Hawliau’r Plentyn. Er bod cael cyngor ysgol gweithgar yn rhan hanfodol o hyn, un elfen yn unig ydyw.

Dylai cyfranogiad disgyblion ddigwydd mewn amrywiaeth o ffyrdd ac ar wahanol lefelau o fywyd ysgol. Dyma rai ohonynt:

• Yn rhan o ddysgu ac addysgu;
• Prosesau megis amser cylch, grwpiau ffocws, ac ymgynghoriadau;
• Grwpiau cyfranogol megis cyngor yr ysgol, yr eco-bwyllgor, ysgolion iach a mentoriaid cyd-ddisgyblion;
• Cael strwythurau ar waith fel y gall yr holl ddisgyblion gymryd rhan wrth wneud penderfyniadau, gan gynnwys y rheini a chanddynt anghenion dysgu ychwanegol;
• Defnyddio’r Safonau Cenedlaethol ar gyfer Cyfranogiad.

Yn y rhan hon o’r wefan gallwch lawrlwytho enghreifftiau o strwythurau posibl ar gyfer ysgol gyfranogol a chyflwyniad PowerPoint sy’n egluro cyfranogiad disgyblion mewn cyd-destun. Cewch yma hefyd ddolenni i rannau eraill a fydd yn gallu eich cynorthwyo i ddatblygu ysgol gyfranogol.

Am ragor o wybodaeth ac enghreifftiau o sut mae hyn yn gweithio’n ymarferol, ewch i adran Cymryd Rhan y wefan hon, a mynnwch gip ar yr Astudiaethau Achos.

Dolenni:

• Cynlluniau Ysgolion Iach - Rhwydwaith Cymru
• Eco-Sgolion Cymru
• Canllawiau addysg bersonol a chymdeithasol
• Ysgolion Bro (Saesneg yn unig)