Hyfforddiant ar gyfer Gweithwyr Proffesiynol – Trosolwg

Ar y dudalen hon ceir trosolwg o’r deunyddiau hyfforddi, er mwyn ichi allu gweld pa weithgareddau y dylech eu cynnal i ddiwallu anghenion eich cynulleidfa, a pha adnoddau cysylltiedig y mae angen ichi eu paratoi.

Disgrifir pob gweithgaredd yn nhermau:

• Ei rif a’i deitl;
• Ei ddiben;
• Yr adnodd i’w baratoi (sydd ar gael yn y pecyn yn syth ar ôl dalenni’r hyfforddwr);
• Taflenni gwybodaeth (sydd hefyd ar gael yn y pecyn);
• Dolenni gwe (â chod lliwiau yn ôl y Thema y maent yn gysylltiedig â hi).

Mae’r trosolwg hefyd yn awgrymu ffyrdd o ddefnyddio’r deunyddiau, hynny yw o ran pa themâu a gweithgareddau y gall hyfforddwyr eu defnyddio yn unol â gwybodaeth a dealltwriaeth eu cynulleidfa, a rhaglen ar gyfer digwyddiad hyfforddi un diwrnod. Mae’r deunyddiau hyfforddi yn hyblyg, fodd bynnag, ac rydym yn gobeithio y byddwch yn eu defnyddio mewn ffordd greadigol, yn unol â’r amser a’r adnoddau sydd ar gael ichi.

A fyddech cystal â rhoi eich barn am yr adnoddau hyfforddi hyn a dweud wrthym am eich profiad o’u defnyddio drwy anfon eich sylwadau i: childrenandyoungpeoplesrights@cymru.gsi.gov.uk.