Ymgynghori (Ar y gweill)
Cyfle i ddweud eich dweud am yr hyn sy'n digwydd yng Nghymru.
BIL GWASANAETHAU CYMDEITHASOL CYMRU – Rhowch eich Barn NAWR!
Bydd Bil Gwasanaethau Cymdeithasol Cymru yn gwneud newidiadau a fydd yn effeithio ar lawer o bobl, yn enwedig y plant a’r bobl ifanc hynny a’u teuluoedd sydd eisoes mewn cysylltiad â’r gwasanaethau cymdeithasol.
Mae gwasanaethau cymdeithasol yn bwysig o ran helpu plant a phobl ifanc a allai fod:
- yn profi problemau teuluol
- yn anabl
- mewn trafferth gyda’r heddlu
- yn derbyn gofal
- mewn perygl o gael eu niweidio neu
- yn cael gofal nad yw’n cwrdd â’u hanghenion.
Yr hyn sy’n ganolog i’r Bil yw rhoi mwy o lais a rheolaeth i bawb sy’n defnyddio gwasanaethau cymdeithasol felly gwnewch yn siŵr eich bod chi’n dweud wrthym beth rydych chi’n ei feddwl.
Cewch weld fersiwn gyfeillgar i blant a phobl ifanc yma:
http://wales.gov.uk/docs/dhss/consultation/120312childrency.pdf
Dylech wneud hynny cyn 1 Mehefin 2012.
CYNLLUN PLANT CCUHP - RHOWCH EICH BARN!
Rhywbeth y mae rhaid i Lywodraeth Cymru ei gynhyrchu o dan Mesur Hawliau Plant a Phobl Ifanc (Cymru) 2011 yw'r Cynllun Plant. Mae'n disgrifio beth y bydd Llywodraeth Cymru yn ei wneud i sicrhau eu bod nhw yn rhoi sylw i hawliau plant nawr ac yn y dyfodol.
Y mae Llywodraeth Cymru am glywed beth ydych chi yn ei feddwl o'r Cynllun. Ewch at: http://wales.gov.uk/consultations/healthsocialcare/scheme/?skip=1&lang=cy i gael dweud eich dweud.
Y dyddiad cau ar gyfer ymatebion yw 31 Ionawr 2012.
YMGYNGHORIAD YNGHYLCH TYLLU COSMETIG I BOBL IFANC
Mae Llywodraeth Cymru wedi cyhoeddi ymgynghoriad ynghylch tyllu cosmetig i bobl ifanc a byddem yn croesawu eich sylwadau ar y materion sy’n cael eu hystyried.
Rydym ni’n ystyried cyflwyno deddf newydd a fydd yn ymdrin â’r meysydd allweddol canlynol:
- Yr angen i riant neu warcheidwad roi ei ganiatâd (yn ysgrifenedig a thrwy fynd i’r apwyntiad tyllu) cyn i berson ifanc o dan oedran penodol gael triniaeth tyllu cosmetig (ar hyn o bryd rydym ni’n credu mai 16 ddylai’r terfyn oedran fod)
- Cyfyngiad oedran clir ar gyfer triniaethau tyllu cosmetig personol
- Set safonol o gwestiynau y mae’n rhaid i’r sawl sy’n rhoi’r driniaeth eu gofyn cyn i unrhyw driniaeth tyllu cosmetig gael ei rhoi.
Mae’r ddogfen ymgynghori (ynghyd â ffurflen ymateb ar-lein) ar gael ar wefan Llywodraeth Cymru.
Y dyddiad cau ar gyfer ymatebion yw 31 Ionawr 2012.
STRATEGAETHAU CYFRANOGIAD LLEOL
Y mae Llywodraeth Cymru wedi cyhoeddi canllawiau yn dweud sut y dylai plant a phobl ifanc fod yn rhan o gynllunio a gwneud penderfyniadau yn eu hardal lleol. Gadewch I ni wybod beth yw eich barn am y canllawiau a sut y gallwn eu gwella!
Ymgynghori: Strategaethau Cyfranogi Lleol 0-25 (dolen allanol)
Y dyddiad cau ar gyfer ymatebion yw 23 Ionawr 2012.
