Ysgol Gynradd y Coed Duon: Siop Goffi Masnach Deg
Dyma beth ddywedodd disgyblion Ysgol y Coed Duon am y profiad o sefydlu siop goffi Fasnach Deg.
Cameron Hodges: “Yn y dyfodol bydd angen i ni fod yn gwybod sut i ddelio ag arian a dod o hyd i’r fargen orau fel na chawn ein gwneud. Bydd yn helpu ein sgiliau byw, gall ein helpu i gael swydd.”
Bailey Vokes: “ Os ydych eisiau bod yn entrepreneur neu ddechrau eich busnes eich hun, yna mae hwn yn ddechrau gwych. Fe’m dysgodd sut i drin arian, sut i ddarbwyllo, sut i drin pobl, sut i fod yn gadarn ac yn deg, a meddwl ddwywaith cyn gwneud penderfyniad mawr.”
“Fe’m cadwodd yn brysur gan wneud i mi feddwl sut y gallwn wneud llawer o arian, yn hytrach na chwarae fy ngemau consol. Roeddwn i’n gwybod fy mod eisiau mabwysiadu anifail felly rhoddodd i mi’r cymhelliant i wneud yn well byth.”
Carly Potter: “Fe’m helpodd i ddatblygu fy sgiliau allweddol, megis sgiliau cyfathrebu, rhifau a datrys problemau. Cawsom gryn dipyn o broblemau, ond drwy weithio gyda’n gilydd, fe wnaethom lwyddo i’w datrys.”
Shannon Morgan: “Fe’m helpodd i fod yn fwy hyderus a dangos i bobl, dim ond oherwydd ein bod yn ifanc, nad yw’n golygu na allwn greu busnes llwyddiannus. Rwy’n teimlo’n falch iawn ohonof fi fy hun.”
Grace Bagshaw: “Cawsom drafodaeth ddosbarth am wahanol syniadau, ond roeddwn i’n meddwl y byddai’n syniad ysbrydoledig cynnal siop goffi. Roeddwn i hefyd yn meddwl y gallem oll wisgo ein Hetiau Meddwl Edward de Bono i wneud i hyn weithio. Gwnaeth i ni feddwl am bethau nad oeddem yn meddwl amdanynt fel arfer. Buom yn meddwl am bethau oedolion fel: craffter ariannol, bod yn gwrtais wrth gwsmeriaid, bod yn gwbl hyderus a gwenu ar bobl. Rhaid i chi oresgyn eich nerfau a bwrw iddi. Rydych yn dysgu am arian ac am sut i’w wario’n ddoeth.
Allwch chi ddim meddwl, o fe brynaf fi hwnnw, oherwydd mae’n rhaid i chi wneud elw. Roedd yn gyfle ardderchog i bobl. Roeddwn i wrth fy modd gyda hynny ac rwy’n credu y dylem annog plant i redeg busnes. Ni all popeth fod yn ffansi gennych chi, os yw’n costio llawer mae angen i chi feddwl am yr arian. Rhaid i chi gael uchafswm, cyllideb. Dylech annog aelodau’r tîm i fod yn gadarn bob amser, heb fod yn annifyr. Rhaid i chi fod yn gadarn wrth roi swyddi pwysig arbennig i bobl. Mae i gyd yn ymwneud â gwaith tîm. Ni, nid fi, sy’n bwysig!!”
