Digwyddiad Cynghorau Ysgolion Cynradd Barnardos
Ym mis Chwefror 2012, yn dilyn llwyddiant y Digwyddiad Cynghorau Ysgol y llynedd, bydd dros 100 o blant ysgolion cynradd ledled y ddinas yn dod unwaith eto i Fae Caerdydd i ddathlu llais plant. Bydd y diwrnod yn gyfle gwych i gynghorau ysgol rannu arfer gorau, a bydd hefyd llu o weithgareddau llawn hwyl ar gael a chyfle i'r plant gael dweud eu dweud o ran datblygu Strategaeth Cyfranogiad Caerdydd. Y llynedd, dewisodd y plant roi’r enw ‘Plant y Ddinas’ ar y cyngor ysgol mawr hwn, ac eleni, mae ‘Plant y Ddinas’ yn fwy, yn well, ac yn creu fwy o sŵn nag erioed o’r blaen!
Darllenwch ragor i gymryd rhan, a gweld yr adroddiad ar ddigwyddiad penigamp y llynedd...
Ar 18fed Chwefror 2011, daeth dros 100 o blant o ystod eang o Gynghorau Ysgolion Cynradd o bob cwr o Gaerdydd at ei gilydd yng Nghanolfan yr Urdd, Canolfan Mileniwm Cymru, i ddathlu pwysigrwydd Cynghorau Ysgol. Trefnwyd y digwyddiad hwn gan Barnardo’s Cymru, mewn partneriaeth â Phartneriaeth Plant a Phobl Ifanc Caerdydd.
O ganlyniad i amrywiaeth o weithgareddau llawn hwyl a sbri megis wal graffiti a gwneud modelau o sgrap, gweithdai ar hawliau, ac ymgynghoriadau, fe wnaeth y digwyddiad annog ac ysbrydoli’r rheini a oedd yn bresennol, a’u hathrawon cyswllt, i greu Cyngor Ysgol Mawr ar gyfer Plant Caerdydd. Caiff hyn ei ystyried yn gam pwysig i sicrhau bod llais plant yn cael ei glywed, a bod plant yn rhan o'r broses o wneud penderfyniadau ar lefel strategol yng Nghaerdydd. Mae sefydlu digwyddiad blynyddol yn golygu ein bod gam yn agosach at wneud hyn.
Fel y mae Tierney o Ysgol Gynradd Tongwynlais yn egluro:
“Os yw llawer o blant ar Gynghorau Ysgol yn meddwl am syniadau da...mae’n gwneud synnwyr dod â nhw at ei gilydd, ac yna fe allwn ni feddwl am syniadau gwych!”
Y llynedd, roedd Keith Towler, Comisiynydd Plant Cymru, a Sid Sloane, sydd ar CBBC, yn bresennol yn y digwyddiad, ac mae’r gwesteion eleni yn siŵr o blesio hefyd!
Bydd cyfle hefyd i’r Athrawon Cyswllt sy’n mynychu gymryd rhan mewn Gweithdy Cyngor Ysgol Effeithiol a rhannu eu barn am Gynghorau Ysgol. Gofynnir i bob cynrychiolydd ar gyngor ysgol ddod â phoster yn dangos un o lwyddiannau eu cyngor ysgol ef. Bydd hyn yn gyfle grêt i weld y gwaith gwych sydd wedi cael ei wneud ledled y ddinas, a bydd yn rhoi cyfle i blant Caerdydd rannu'r hyn maent wedi'i ddysgu drwy fod ar Gyngor Ysgol.
I gael rhagor o wybodaeth, cysylltwch â:
Hannah Bussicott – Swyddog Datblygu Cyfranogiad ar gyfer Plant Iau
Ebost: hannah.bussicott@barnardos.org.uk
Ffon: 02920 229585
